ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਦੀਪਿਕਾ ਪਾਦੂਕੋਣ ਨੇ ਇਤਿਹਾਸ ਰਚਦਿਆਂ ਹਾਲੀਵੁੱਡ ਵਾਕ ਆਫ਼ ਫੇਮ 2026 ਵਿੱਚ ਆਪਣੀ ਜਗ੍ਹਾ ਬਣਾ ਲਈ ਹੈ। ਮੋਸ਼ਨ ਪਿਕਚਰ ਸ਼੍ਰੇਣੀ ਵਿੱਚ ਚੁਣੀ ਜਾਣ ਵਾਲੀ ਪਹਿਲੀ ਭਾਰਤੀ ਅਦਾਕਾਰਾ ਹੋਣ ਦਾ ਮਾਣ ਵੀ ਹੁਣ ਉਨ੍ਹਾਂ ਦੇ ਨਾਮ ਹੋ ਗਿਆ ਹੈ। ਇਹ ਸੂਚੀ ਬੁੱਧਵਾਰ ਨੂੰ ਹਾਲੀਵੁੱਡ ਚੈਂਬਰ ਆਫ਼ ਕਾਮਰਸ ਵੱਲੋਂ ਜਾਰੀ ਕੀਤੀ ਗਈ, ਜਿਸ ਵਿੱਚ ਐਮੀਲੀ ਬਲੰਟ, ਰਾਚੇਲ ਮੈਕਐਡਮਜ਼, ਗੋਰਡਨ ਰਾਮਸੇ, ਕੋਟੀਲਾਰਡ ਅਤੇ ਫ੍ਰੈਂਕੋ ਨੀਰੋ ਵਰਗੀਆਂ ਮਸ਼ਹੂਰ ਅੰਤਰਰਾਸ਼ਟਰੀ ਹਸਤੀਆਂ ਦੇ ਨਾਮ ਵੀ ਸ਼ਾਮਲ ਹਨ।
ਹਾਲੀਵੁੱਡ ਵਾਕ ਆਫ਼ ਫੇਮ ਚੋਣ ਪੈਨਲ ਨੇ 20 ਜੂਨ ਨੂੰ ਸੈਂਕੜੇ ਨਾਵਾਂ ਵਿੱਚੋਂ 35 ਨਾਵਾਂ ਦੀ ਚੋਣ ਕੀਤੀ ਸੀ, ਜਿਸਨੂੰ 25 ਜੂਨ ਨੂੰ ਬੋਰਡ ਵੱਲੋਂ ਮਨਜ਼ੂਰੀ ਦਿੱਤੀ ਗਈ। ਦੀਪਿਕਾ ਨੇ 2017 ਵਿੱਚ xXx: Return Of Xander Cage ਰਾਹੀਂ ਆਪਣੀ ਹਾਲੀਵੁੱਡ ਯਾਤਰਾ ਦੀ ਸ਼ੁਰੂਆਤ ਕੀਤੀ ਸੀ। 2018 ਵਿੱਚ ਉਨ੍ਹਾਂ ਦਾ ਨਾਮ TIME ਮੈਗਜ਼ੀਨ ਦੀ 100 ਸਭ ਤੋਂ ਪ੍ਰਭਾਵਸ਼ਾਲੀ ਹਸਤੀਆਂ ਵਿੱਚ ਵੀ ਆਇਆ ਸੀ।
