ਡੇਰਾਬੱਸੀ ਦੇ ਸ਼ਿਵਮ ਨੇ ਦੋ ਲੋਕਾਂ ਨੂੰ ਕੀਤੀ ਰੌਸ਼ਨੀ ਦਾਨ

ਡੇਰਾਬੱਸੀ ਵਸਨੀਕ ਸ਼ਿਵਮ ਦੀ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ ਸੀ ਜਿਸ ਤੋਂ ਬਾਅਦ ਮਿਰਤਕ ਦੇ ਪਰਿਵਾਰਿਕ ਮੈਂਬਰਾਂ ਵੱਲੋਂ ਉਸਦੀਆਂ ਅੱਖਾਂ ਦੋ ਲੋੜੀਂਦੇ ਵਿਅਕਤੀਆਂ ਨੂੰ ਦਾਨ ਕਰ ਦਿੱਤੀਆਂ ਗਈਆਂ। ਸ਼ਿਵਮ ਦੇ ਪਿਤਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਹੈ ਕਿ ਸ਼ਿਵਮ ਨਿੱਜੀ ਖੇਤਰ ਵਿੱਚ ਇੱਕ ਅਧਿਕਾਰੀ ਸੀ। ਉਹ ਰੀਅਲ ਅਸਟੇਟ ਦਾ ਕਾਰੋਬਾਰ ਕਰਦਾ ਸੀ। ਇਸ ਦਾਨ ਉਪਰੰਤ ਲਾਇਨਜ਼ ਕਲੱਬ ਦੇ ਰਾਜੇਸ਼ ਕੁਮਾਰ ਨੇ ਕਿਹਾ ਹੈ ਕਿ ਸ਼ਿਵਮ ਦੇ ਪਿਤਾ ਨੇ ਇਸ ਮੁਸ਼ਕਿਲ ਸਮੇਂ ਵਿੱਚ ਵੀ ਹਿੰਮਤ ਦਿਖਾਈ ਹੈ ਅਤੇ ਆਪਣੇ ਪੁੱਤਰ ਦੀਆਂ ਅੱਖਾਂ ਦਾਨ ਕੀਤੀਆਂ ਹਨ।