ਪਨਵੇਲ ਇਲਾਕੇ ‘ਚ ਮਾਤਾ -ਪਿਤਾ ਨੇ ਛੱਡੀ ਸੜਕ ਦੇ ਕਿਨਾਰੇ ‘ਤੇ ਇੱਕ ਨਵਜਾਤ ਬੱਚੀ

ਮਹਾਰਾਸ਼ਟਰ ਦੇ ਨਵੀਂ ਮੁੰਬਈ ਦੇ ਪਨਵੇਲ ਇਲਾਕੇ ‘ਚੋਂ ਇੱਕ ਦਰਦਨਾਕ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਤਿੰਨ ਦਿਨ ਦੀ ਨਵਜਾਤ ਬੱਚੀ ਨੂੰ ਸੜਕ ਕਿਨਾਰੇ ਇੱਕ ਨੀਲੀ ਟੋਕਰੀ ਵਿੱਚ ਲਾਵਾਰਿਸ ਛੱਡ ਦਿੱਤਾ ਗਿਆ। ਟੋਕਰੀ ਵਿੱਚ ਇੱਕ ਨੋਟ ਮਿਲਿਆ, ਜਿਸ ਵਿੱਚ ਮਾਪਿਆਂ ਨੇ ਆਪਣੀ ਗਰੀਬੀ ਤੇ ਮਜਬੂਰੀ ਦਾ ਹਵਾਲਾ ਦਿੰਦਿਆਂ ਮਾਫੀ ਮੰਗੀ। ਦੱਸ ਦਈਏ ਕਿ ਨੋਟ ਵਿੱਚ “Sorry” ਲਿਖਿਆ ਸੀ ਤੇ ਇਹ ਵੀ ਦਰਸਾਇਆ ਗਿਆ ਸੀ ਕਿ ਉਹ ਬੱਚੀ ਦੀ ਪਰਵਰਿਸ ਕਰਨ ਦੇ ਯੋਗ ਨਹੀਂ ਹਨ। ਸੂਚਨਾ ਮਿਲਣ ’ਤੇ ਪੁਲਿਸ ਮੌਕੇ ‘ਤੇ ਪਹੁੰਚੀ, ਬੱਚੀ ਨੂੰ ਸੁਰੱਖਿਆ ਹੇਠ ਲੈ ਕੇ ਹਸਪਤਾਲ ਪਹੁੰਚਾਇਆ, ਜਿੱਥੇ ਉਸ ਦੀ ਹਾਲਤ ਹੁਣ ਸਥਿਰ ਦੱਸੀ ਜਾ ਰਹੀ ਹੈ। ਇਸਦੇ ਨਾਲ ਹੀ ਪੁਲਿਸ ਨੇ ਅਣਪਛਾਤੇ ਮਾਪਿਆਂ ਵਿਰੁੱਧ IPC ਦੀਆਂ ਗੰਭੀਰ ਧਾਰਾਵਾਂ ਹੇਠ ਕੇਸ ਦਰਜ ਕਰ ਲਿਆ ਹੈ।